අන්තර් පාසල් රග්බි තරගාවලියේ පිළිමළුන් පිටු දැකීමේ තරගාවලිය අද (30) දින ආරම්භ වනවා.
ඒ අනුව ජනාධිපති කුසලානය සඳහා ශාන්ත පීතර, ඉසිපතන, ඩී. ඇස්. සේනානායක, වෙස්ලි, සහිරා සහ ශාන්ත තෝමස් විද්‍යාල තරග වැදීමට නියමිතයි.
රාජකීය සහ ත්‍රිත්ව විදුහල් කණ්ඩායම් බ්‍රැඩ්බි පළිහ තරගාවලිය හේතුවෙන් පාසල් රග්බි පිළිමළුන් පිටු දැකීමේ තරග වට‍යෙන් ඉවත්වී තිබෙනවා.
මේ හේතුවෙන් ශාන්ත පීතර හා ඉසිපතන කණ්ඩායම් නිතරගයෙන් අවසන් පූර්ව වටය සඳහා සුදුසුකම් ලැබුවා.
අර්ධ අවසන් පූර්ව වටයේ තරග අරඹමින් ඩී. ඇස්. සේනානායක විද්‍යාලය සහ වෙස්ලි විද්‍යාලය අතර තරගය අද සවස 4ට සුගතදාස ක්‍රීඩාංගණයේදී ආරම්භවීමට නියමිතයි.
