රාජ්ය සේවකයින් සඳහා ආපදා ණය ලබාදීම සම්බන්ධයෙන් නව විධිවිධාන ඇතුළත් නව චක්රලේඛයක් නිකුත් කර තිබෙනවා.
රාජ්ය පරිපාලන, පළාත් සභා සහ පළාත් පාලන අමාත්යාංශය විසින් අමාත්යාංශ ලේකම්වරුන්, පළාත් ප්රධාන ලේකම්වරුන් සහ දෙපාර්තමේන්තු ප්රධානීන් දැනුවත් කරමින් නිකුත් කර ඇති එම චක්රලේඛය පසුගිය පළමු වනදා සිට ක්රියාත්මකයි.
එහි දැක්වෙන්නේ 2025 අයවැය යෝජනා මගින් රාජ්ය සේවකයන්ගේ අවම මූලික වැටුප වැඩිකිරීම සැලකිල්ලට ගෙන රාජ්ය සේවකයන් සඳහා ආපදා ණය ලබාදීමේ උපරිම සීමාව දැනට පවතින රුපියල් දෙලක්ෂ 50,000 සිට රුපියල් හාර ලක්ෂය දක්වා ඉහළ නැංවීමට රජය තීරණය කර ඇති බවයි.
