දස දහස් ගණනක ඊශ්‍රායල ජනතාවක්, අගමැති බෙන්ජමින් නෙතන්යාහු සහ ඔහුගේ රජයට විරෝධය පළ කරමින් රට පුරා වීථි බැස විරෝධය දක්වමින් සිටිනවා.
හමාස් සංවිධානය විසින් ගාසා තීරයේ රඳවාගෙන සිටි ප්‍රාණ ඇපකරුවන් හය දෙනෙකුගේ සිරුරු ඊශ්‍රායල සොල්දාදුවන් විසින් සොයා ගැනීමෙන් අනතුරුවයි මෙලෙස ජනතාව වීථි බැස ඇත්තේ.
විරෝධතාකරුවන් බොහෝ පිරිසක් ඊශ්‍රායල ධජවලින් සැරසී – ටෙල් අවිව්, ජෙරුසලම සහ අනෙකුත් නගරවලට රැස්වී සිටින අතර, ඔක්තෝබර් 7 වනදා හමාස් සංවිධානය පැහැරගත් ඉතිරි ප්‍රාණ ඇපකරුවන් නිදහස් කරගැනීම සඳහා නිසි පරිදි ක්‍රියාත්මක නොවූ බවටයි ඔවුන් ඊශ්‍රායල රජයට චෝදනා කරන්නේ.
