මහනුවර නගරය ආශ්‍රිතව ඇති සුරාසැල් වසා දමයි.

මහනුවර ශ්‍රී දළදා මාළිගාවේ ඇසළ මහ පෙරහැර පැවැත්වෙන සමයේ, මහනුවර නගරය ආශ්‍රිතව ඇති බලපතුලක් සුරාසැල් වසා තැබීම සඳහා අනුමැතිය හිමිව තිබෙනවා.

ඒ අනුව, මහනුවර ශ්‍රී දළදා මාළිගාවේ 2024 ඇසළ මහා පෙරහැර උත්සවය පැවැත්වෙන 2024.08.10 දින සිට 2024.08.20 දින දක්වා (එම දින දෙකද ඇතුළුව) මහනුවර කඩවත් සතර හා ගඟවට කෝරලේ ප්‍රාදේශීය ලේකම් කොට්ඨාශ බල ප්‍රදේශය තුළ පිහිටි සියළුම මත්පැන් සිල්ලරට විකිණීමේ බලපත්‍රලත් ස්ථාන සහ කුණ්ඩසාලේ ප්‍රාදේශීය ලේකම් කොට්ඨාසයේ නත්තරන්පොත ග්‍රාම නිලධාරී වසමට අයිති ප්‍රධාන පාරේ ඉන්ධන පිරවුම්හල තෙක් සියළුම මත්පැන් සිල්ලරට විකිණීමේ බලපත්‍රලත් ස්ථාන වසා තැබෙන බවයි වාර්තා වෙන්නේ.