මැලේසියාවේ පැවති 16 වන විවෘත ජාත්‍යන්තර ටයිකොන්ඩෝ ශූරතා තරගාවලියට සහභාගී වූ ශ්‍රී ලාංකික ක්‍රීඩකයින් රන් පදක්කම් 13 ක් , රිදී පදක්කම් 05 ක් සහ ලෝකඩ පදක්කම් 05 ක් දිනා ගැනීමට සමත් වුණා.
එම ක්‍රීඩකයින් පිරිස ඊයේ (13) රාත්‍රීයේ මෙරටට පැමිණියේ කටුනායක ගුවන් තොටුපොළෙන්.
මෙම තරගාවලිය ඉකුත් පළමුවැනිදා සිට පසුගිය10 දක්වා පැවැත්වුණා.
ඒ සඳහා ලෝකයේ රටවල් 22ක ක්‍රීඩක ක්‍රීඩිකාවන් 500 කට අධික පිරිසක් සහභාගී වූ අතර මැලේසියාවේ ක්වාලාලම්පූර් නුවරදීයි තරගාවලිය පැවැත්වුණේ.
ජයග්‍රාහී ක්‍රීඩක ක්‍රීඩිකාවන් පිරිස ඊයේ රාත්‍රී 11ට පමණ මෙරටට පැමිණි අතර ඔවුන් හරසරින් පිළිගැනීම සිදුකෙරුණා.
