මෙවර ජනාධිපතිවරණය සඳහා ස්වාධීන අපේක්ෂකයකු ලෙස ඉදිරිපත්ව සිටි අයකු හදිසි මියගොස් ඇති බව වාර්තා වෙනවා.
මෙලෙස හදිසි හෘදයාබාධයක් හේතුවෙන් මියගොස් ඇත්තේ, මොහොමඩ් ඉල්ලෙයාස් නැමැති පුත්තලම ප්‍රදේශයේ පදිංචිකරුවෙක්.
මියයන විට 78වන වියේ පසුවුණු ඔහු චන්ද්‍රිකා බණ්ඩාරණායක රජයේ පාර්ලිමේන්තු මන්ත්‍රීවරයෙකු ලෙසද කටයුතු කර තිබෙනවා.
මීට දින දෙකකට පෙර හදිසියේ රෝහල්ගත කර ඇති හිටපු මන්ත්‍රීවරයා ඊයේ (22) රාත්‍රියේ හෘදයාබාධයකින් මියගිය බවයි පුත්තලම රෝහල් ආරංචි මාර්ග සඳහන් කළේ.
