වතුකම්කරුවන් හට අද (10) සිට රුපියල් 1350ක මූලික වැටුප ලබාදීමට වතු සමාගම් එකඟ වී තිබෙනවා. ඒ බව නැගෙනහිර පළාත් ආණ්ඩුකාර සෙන්දිල් තොණ්ඩමාන් ප්‍රකාශයක් කලා.
එය ලබාදීමට ඉදිරිපත් වූ ජනාධිපති රනිල් වික්‍රමසිංහ සහ හිටපු කම්කරු අමාත්‍ය මනුෂ නානායක්කාර යන මහත්වරුන්ට ඔහු සිය ස්තූතිය පුද කර සිටියා.
ඒ අනුව රුපියල් 1700 දක්වා ඉහළ දැමුණු වතුකම්කරුවන්ගේ වැටුපෙන් මූලික වැටුප ලෙස රුපියල් 1350ක් අද සිට ඔවුන්ට ගෙවීමට නියමිතයි.
ඉතිරි රුපියල් 350ක මුදල සාකච්ඡා මාර්ගයෙන් ලබාදීමට කටයුතු කරන බවයි සෙන්දිල් තොණ්ඩමාන් මහතා කියා සිටියේ.
