ශ්‍රී ලංකාව සහ දකුණු අප්‍රිකාව අතර තරග දෙකකින් සමන්විත ටෙස්ට් තරගාවලියේ පළමු ටෙස්ට් තරගය අද ආරම්භ වනවා.
ඒ අනුව කාසියේ වාසිය දිනා ගත් ශ්‍රී ලංකා කණ්ඩායම පළමුව තීරණය කළේ පන්දු යැවීමටයි.
වසර 3කින් පසුව පැවැත්වෙන මෙම තරගය ඩර්බන්හිදී ආරම්භ වන්නේ ශ්‍රී ලංකා වේලාවෙන් පස්වරු 1ටයි.
දෙරට අතර මෙතෙක් ටෙස්ට් තරගාවලි 31ක් පවත්වා ඇති අතර ඉන් තරගාවලි 16ක ජය දකුණු අප්‍රිකාවට හිමි වුණා.
ශ්‍රී ලංකාව තරගාවලි 9 ක ජය හිමි කරගැනීමට සමත් වුණා.
මෙවර තරගාවලියට වමතින් දග පන්දු යවන ක්‍රීඩක ලසිත් ඇඹුල්දෙණිය වසර දෙකකට පසු ශ්‍රී ලංකා සංචිතයට කැදවා ඇති අතර පසුගිය නවසීලන්ත ටෙස්ට් තරගාවලියට ක්‍රීඩා නොකළ කසුන් රාජිත ද මෙවර ශ්‍රී ලංකා සංචිතයට කැදවා තිබෙනවා.
